万千星辉颁奖典礼2019一文看尽TVB大热视后！李施嬅离巢无奖拎 惠英红最有机？

　　《万千星辉颁奖典礼2019》2020年1月12日举行，今年多部剧集都令人难忘。《铁探》嘅惠英红抢Fo啲，定系李施嬅于《金宵大厦》令你印象深刻啲？另外出炉新加坡「星和」视后唐诗咏亦被视为大热视后，到底人气最强嘅民选视后又会系边个？现在就来一文看尽今届TVB的候选视后！

　　TVB 2019 大热视后：《铁探》惠英红

　　多次封影后嘅「红姐」惠英红返公仔箱拍剧仍然瞓身，于《铁探》出演为权斗上位，不惜牺牲囝囝嘅女强人，丧子嘅内心戏、与黑仔大斗演技嘅场口，甚至亲身上阵嘅动作场面，幕幕成为城中热话。

　　惠英红奸到令网民肉紧大闹又狂赞好戏，相信都系民选呼声最高嘅视后！

　　红姐演活贪权女强人一角，不惜牺牲爱子，令全城劲肉紧！

　　TVB 2019 大热视后：《金宵大厦》李施嬅

　　今年话题剧集之一仲有故事奇幻嘅《金宵大厦》，离开大台愈战愈勇嘅李施嬅表现亮丽，同陈山聪前世今生嘅情缘令人关注外，宜古宜今嘅多个造型一样吸睛，空姐与舞小姐Look都劲靓。

　　曾封微电影影后嘅佢多场感情戏演出精彩，大晒实力，唔系「亲生女」都赢晒人气！

　　Coco同「阿萧」一段情成为城中热话，李施嬅演出获观众肯定！

　　TVB 2019 大热视后：《白色强人》唐诗咏

　　唐诗咏于《白色强人》与好友兼绯闻男友马国明合作，出演男方嘅医生前妻，戏外常被指「友达以上」嘅两人奉旨谈情，上演多场韩剧式冧爆场面，相当养眼。

　　唐诗咏嘅演出获网民大赞有进步，早前更率先获封新加坡「星和」视后，先拔头筹！

　　TVB 2019 大热视后：《白色强人》李佳芯

　　曾被大台力捧嘅李佳芯(Ali)最近虽然传出被雪，不过人气完全未受影响！Ali于《白色强人》演出患病医生一角大获好评，暗恋马国明嘅有不少感情戏同面对大病嘅内心戏，拍剧愈见有实力，人靓之外，上位又毫不造作大牌，戏外仲关心社会，难怪稳守民选女神宝座！

　　李佳芯于剧中同样又靓又叻，近年演出水准愈见稳定，获网友支持！

　　TVB 2019 大热视后：《她她她的少女时代》田蕊妮

　　离开大台嘅女星不单有李施嬅，田蕊妮离巢前同样交出水准作《她她她的少女时代》，演活失婚单亲妈妈兼颓爆熟女角色，戏内戏外同样鼓励女性自主，残爆师奶、浮夸女神同Fit爆拳手都做晒，仲有小鲜肉衬托。

　　剧情有笑有泪，获得不少掌声，虽然未必有机会于大台封后，但相信都系民选心水之一！

　　田蕊妮于剧中演活失婚角色，母女情动人之外，脱胎换骨嘅场面亦相当励志！

　　《多功能老婆》杨千嬅

　　杨千嬅主演近期热播台庆剧《多功能老婆》，久未现身公仔箱嘅佢同影圈拍档黄浩然以及新手爸爸周柏豪合作。失婚角色相对新鲜之外，佢死追变心老公爆喊一幕亦大获好评，佢同暖男「Oppa」周柏豪嘅感情线更有回响，不少网友急急追剧透，相信都几有人气！

　　千嬅首演失婚妇，角色相对新鲜之外，佢死追变心老公爆喊一幕亦大获好评，佢同暖男「Oppa」周柏豪嘅感情线更有回响，不少网友急急追剧透。