敏感肌必备！KOL力推的澳洲天然护肤品！Sukin皇牌Signature系列

　　天气忽冷忽热，再加上空气污染问题严重，皮肤敏感、痕痒泛红已经成为咗唔少女仔嘅头号烦恼。有无谂过肌肤经常出现嘅问题，可能来自每日搽上面嘅护肤品? 环境污染已经伤害皮肤，如果皮肤仲要日积月累护肤品中嘅添加物，长久就会对肌肤造成双重负担、减弱肌肤免疫力，容易造成敏感！要对付过敏肌肤，选用 天然 无添加护肤品就喺最好嘅方法！澳洲畅销 天然 护肤品牌Sukin以多种植物原料制作无添加护肤品，产品成分温和；不含矿物油、石油化学物、合成香料、色素、 Paraben、动物成份、矽及EDTA等13种有害物质，唔会为肌肤带来刺激或压力，就连敏感肌嘅sis都一样可以放心使用!

　　98.8%天然来源 + 13 大无添加 敏感肌都用得

　　食物唔可以有防腐剂，其实用系面上嘅护肤品都一样。Sukin产品采用对肌肤温和嘅天然萃取成分，好似皇牌 Signature 系列就蕴含高效植萃，如玫瑰果油、酪梨油、芦荟、荷荷巴油及乳油木果油等植物精华，唔单止能迅速渗透肌肤，为肌肤带来水感嫩滑嘅保湿效果，赋予多重滋养呵护，更有效提升肤质、镇静柔肤，呈现自然素肌。除咗成分天然，Sukin嘅护肤品更喺不含矿物油、石油化学物、合成香料、 Paraben 等13种有害及致敏物质，喺抗敏修护同时又帮皮肤提升免疫力同耐受力，强化肌肤屏障，有效远离皮肤敏感，轻松摆脱痕痒问题。

　　CP值高又好用 2大KOL+美容编缉都赞好

　　唔讲唔知，原来一向注重皮肤保养嘅美容达人雨侨都系用Sukin嘅产品做日常护肤㗎！对雨侨而言，「每日搽化学防腐剂喺块面，会刺激皮肤，加速肌肤老化，形成或加深皱纹，唔单止阻碍美容成分发挥功效，仲会令肌肤屏障受伤害」，所以为咗令肌肤keep住靓靓又可以用得安心，选用「天然无添加」嘅Sukin皇牌Signature系列就最适合不过啦！

　　一向追求「天然无添加」嘅雨侨平日最爱用Sukin皇牌Signature护肤，滑嫩嘅肌肤令佢望上去红粉绯绯，成个人由内到外都充满大自然嘅阳光气息！

　　虽然市面上嘅天然护肤品一般较贵，但Sukin产品高质量之余仲价格实惠，真喺超啱小资女大量入手！当中最受欢迎嘅皇牌Signature天然保湿乳霜性价比超高，就连精明靓太陈琪都忍唔住要大赞，「平时买护肤品闲闲地都几百蚊一支，Sukin属高质天然护肤品，但就一百蚊都唔洗，搽上面仲好快吸收！」

　　艺人陈琪最爱Sukin皇牌Signature天然保湿乳霜，除咗吸收得快，可以有效地帮肌肤舒缓抗敏、保湿补水，带有淡淡嘅自然清香亦喺佢选择呢款乳霜嘅原因。

　　拣护肤品除咗要睇cp值，想成功改善肌底后由内靓到外，精华可否渗入皮肤底层都同样重要！Sukin产品嘅天然精华能被肌肤快速、容易地吸收，唔会引起皮肤过敏反应，就连患有湿疹嘅前编辑Francesca都系用佢，「Sukin帮我远离湿疹，用完唔单止改善左面色暗哑同皮肤嘅弹性问题，日日用仲好似持续帮皮肤做面部抗老瑜伽，让肌肤压力全消，散发面部好气色添！」

　　作为美容编辑同瑜伽导师，Francesca一向十分注重健康生活，Sukin产品成份天然，就连备受湿疹问题困扰嘅佢都能够安心使用。

　　Sukin皇牌Signature系列产品成分安全，CP值高又能够为肌肤一边抗敏、一边保湿补水，就算一次过购买成个系列都只喺要几百蚊，咁抵用真喺搞到美编而家都想即刻入手啦！

　　皮肤敏感必用 #Sukin皇牌Signature系列

　　【SIGNATURE 天然洁面泡沫】$79/ 125mL

　　– 性质温和而不会令肌肤干燥

　　– 有效去除面上污垢、油脂及卸除彩妆

　　– 洋甘菊、芦荟 : 镇静、舒缓、清润保湿

　　– 绿茶萃取 : 强效抗氧化剂 (对抗痘痘)

　　– 金缕梅萃取 : 去除肌肤杂质，减少毛孔粗大

　　– 使用方法 : 先用水沾湿双手，取出适当份量，加水搓揉至起泡，轻轻于脸上打圈按摩，再以清水洗净。

　　【SIGNATURE 天然保湿喷雾】$79/ 125mL

　　– 不含酒精成份，低刺激性

　　– 迅速为肌肤补水，有效舒缓及亮泽疲惫肌肤

　　– 洋甘菊:帮肋镇定柔肌，为肌肤和心情加分!

　　– 大马士革玫瑰水:帮助吸收皮肤表面的多余油脂

　　– Tips:炎热天气下，可存放于雪柜内，带来清凉肤感

　　– 使用方法: 可在洁面后作爽肤水、化妆前后或当皮肤暗沉无光、疲惫或过热时使用。闭上眼睛，直接喷洒在脸部及颈部肌肤，用指腹轻拍至吸收。

　　【SIGNATURE 天然保湿乳霜】$92/ 125mL

　　– 玫瑰果油、酪梨油、芝麻油和荷荷巴油: 软化角质及修护肌肤，提供多重的滋养呵护

　　– 芦荟精华: 高效抗氧化、舒缓肌肤、保湿补水

　　– 小麦胚芽油、维他命E: 改善肤质，强化肌肤的保护屏障; 减少水份流失，赋予肌肤滋润、水感嫩滑感

　　– 使用方法： 洁面及使用爽肤水后，轻涂于肌肤上并按摩至完全吸收。针对面部、颈部及脱皮部位，适合早晚使用。

　　【SIGNATURE 活效抗氧化眼部精华】$145/ 30mL

　　– 芦荟、青瓜、牛蒡: 提供深层保湿，能呵护脆弱眼部嫩肤，淡化眼圈

　　– 玫瑰果油、月见草油、琉璃苣油: 帮助对抗眼周衰老迹象 有效紧致眼周、预防细纹形成

　　– 使用方法: 洁面后，轻轻涂抹于眼周。适合早晚使用。

　　睇完今次推介，想远离敏感嘅sis记得要去各大万宁门市买返支啦～